Түркиянын Стамбул шаарында орус-украин сүйлөшүүлөрүнүн кезектеги айлампасы өтөт. Кыргызстан Орусиядан мигранттардын документтерин кабыл алуу үчүн кошумча терезелерди ачууга үндөдү. Казакстан дарыгерлерге зордук-зомбулук көрсөткөндөргө жазаны күчөтөт.
Якутияда шахтерлорду ташып бараткан автобус жардан кулап, 13 адам, анын ичинде үч кыргыз жараны мерт болду. Израилдин танктары Газанын борбордук бөлүгүндөгү Дейр ал-Балах шаарына биринчи жолу кирип барды. Ошто узак жылдардан бери шаардын борбордук бөлүгүн ээлеп келген базарлар көчүрүлүп жатат.
Огулжахан Атабаева - Түркмөнстандын экс-президенти Гурбангулы Бердымухамедовдун кызы. Ал жакында атасын коштоп Баку шаарына барганда аларды азери лидери Илхам Алиев кызы Лейла менен тосуп алды. Түркмөнстанды 18 жылдан бери башкарган үй-бүлөнүн кызы соңку маалда саясатка батыл аралаша баштады.
Министрлер кабинетинин төрагасынын орун басары Эдил Байсалов үч жашка чейинки балдардын баарына жөлөкпул берүү системасын киргизүүнү сунуштады. Ал 11-июлда өкмөттө жакырчылыкты азайтууга арналган жыйында колу жука үй-бүлөлөрдүн балдарынын 21% гана жөлөкпул аларын чоң көйгөй катары сыпаттаган.
Орусия түн ичинде кошуна өлкөсүнө соккуларын улантты. Украин тараптын дрон чабуулунан жекшембиде Москва баш болгон бир нече шаарда аэропорттордун иши үзгүлтүккө учураган. Түркиялык медиа дипломатиялык булактарга таянып, орус-украин сүйлөшүүлөрү 23-24-июлда өтүшү мүмкүн деп жазды.
Кабулда төрт жыл мурун бийликти басып алып, Ооганстан Ислам Эмиратын түзгөн "Талибан" өкмөтүн Орусия расмий тааныды. Ал эми Борбор Азия өлкөлөрү алар менен сүйлөшүү жүргүзүп, соода жана инфраструктура боюнча бирге иштешүүгө аракет кылып жатканы менен талиб өкмөтүн расмий тааный элек.
Кыргызстандын Финансы министрлиги өлкө бийлиги атамекендик биринчи криптовалютаны чыгарууну пландап жатканын ырастады. Эки ай мурдараак Дубайдагы форумда Кыргызстан алтын менен камсыздалган жана доллардын наркына байланган USDKG аттуу стейблкоин чыгарганы жатканы маалымдалган.
Орусия Украинадагы согуш менен алек болуп жаткан чакта, түштүк ыптасындагы аймактарда, өзгөчө Армения менен Азербайжанда таасири алсырап баратканы байкалууда. Мындай жагдай башка оюнчулар үчүн, маселен Түркия, Евробиримдик жана АКШга эшик ачарын байкоочулар айтып жатышат.
Кыргызстандын Миграция министрлигинин өкүлдөрү Орусиянын тиешелүү мекеме жетекчилери менен жолугуп, ал жакта “кара тизмеге” кирип калган кыргыз мигранттарынын мыйзамдашуусундагы тоскоолдуктар жөнүндө билдирди.
Чарбак суу сактагычынын жээгине пландалып жаткан Sea Breeze долбоору Өзбекстанда коомдук талкуунун чордонунда калды. Белгилүү азери ишкери Эмин Агаларов жетектеген бул мегадолбоор экологиялык жана укуктук маселелерди козгоп, социалдык тармактарда бир топ нааразылык жаратты.
Бишкектеги Улуттук госпиталдын жамааты дарыгерлери сабалган окуялардан улам бийлик башчыларына кайрылды. ЮНИСЕФ уюму Газадагы согушта күнүнө кеминде 28 баланын өмүрү кыйылып жатканын эскертти. Кыргызстан 12 жылдык окутууга өтүп, тиешелүү министрлик ага даярдыктарын дале улантууда.
ЮНИСЕФ уюмунун маалыматына ылайык, Газадагы согушта күнүнө кеминде 28 баланын өмүрү кыйылып жатат. Эки жылга жакындап бараткан урушту токтотуу боюнча Дохадагы сүйлөшүүлөрдөн майнап чыга элек. Ал арада Израилдин тилкедеги рим-католик чиркөөсүнө урулган соккусун бир катар өлкөлөр айыптады.
Дагы жүктөңүз
