Түркиянын Стамбул шаарында орус-украин сүйлөшүүлөрүнүн кезектеги айлампасы өтөт. Көпчүлүктүн көңүлү сүйлөшүүдөн эмне майнап чыгат деген суроого бурулуп турат. Кыргызстан Орусиядан мигранттардын документтерин кабыл алуу үчүн кошумча терезелерди ачууга үндөдү. Казакстандын президенти Касым-Жомарт Токаев дарыгерлерге жана медицина кызматкерлерине зордук-зомбулук көрсөткөндөргө жазаны күчөтүүнү тапшырды.
Кыргызстан
Якутияда шахтерлорду ташып бараткан автобус жардан кулап, 13 адам, анын ичинде үч кыргыз жараны мерт болду. Кыргызстандын Тышкы иштер министрлиги алардын сөөгүн мекенине жөнөтүү иши жүрүп жатканын билдирди. Израилдин танктары Газанын борбордук бөлүгүндөгү Дейр ал-Балах шаарына биринчи жолу кирип барды. Дүйнөлүк саламаттыкты сактоо уюму бул калаадагы кызматкерлери баш калкалаган жай бутага алынганын айыптады. Ошто узак жылдардан бери шаардын борбордук бөлүгүн ээлеп келген базарлар көчүрүлүп жатат. “Келечек” базары да 31-июлда көчүрүлө баштарын шаар бийлиги билдирди. Соодагерлер эмне дейт?
